ليه في ناس بتتفاعل سلبا مع مشاعر الحب ؟!

بقلم احمد البيلي **

ليه في ناس بتتفاعل سلبا مع مشاعر الحب ؟!

المقصود هنا مش أنتا حبيت واحدة فهي محبتكش بالأخص , أو انتي أعجبتي بولد فهو صدك بالذات .. فالمشكلة هنا مش تجاه شخص معين أنما تجاه الفعل نفسه و هو الحب ! ... ففي ناس بطبعها غير مؤهلة اصلا لفكرة الحب , سواء معاك او مع غيرك !! إنما بيتفاعلوا بشكل مضاد و عنيف لأي مظاهر حب تتوجه ليهم ..

ففي مقالة بعنوان Why Do People Respond Negatively to Being Loved بيقول الدكتور Robert W. Firestone , إن من أسباب مقابلة بعض الناس لمشاعر الحب بشكل عدائي هو صعوبة تعاملهم مع المشاعر نفسها !! .. فبالرغم أن الحب المفروض يحسس الأشخاص بالأمان و السلام النفسي إلا أن في بعض الناس بيشكل لهم تهديد و أزمة ثقة !! فهو مش قادر يدرك الجزء الممتع في الحب أنما دايما بيملي دماغه بأفكار و تحليلات سوداوية ..

و الحقيقة أن الجزء السوداوي في الحب هو جزء مهم جدا و صعب اي حد ينكره , حتي و لو قرر البعض التغافل عنه لمجرد انهم مش عاوزين يعكروا صفو علاقتهم الجميلة و احلامهم الوردية , انما الوقت بيكون كفيل لتوضيحه و أثباته .. لكن مشكلة الناس اللي بتتفاعل سلبا مع مظاهر الحب , هو أنهم مش بيشوفوا غير السواد و الألم ده الجزء دا تعريفة بسيط جزء لا يموت يتبدل ولكنه لا يمحى قد ينسحب قليلاً ويتراجع ولكنة يفعل ذلك مدفوع بغريزة البقاء فقط حتى يبقى ويعيش يحمى نفسه بالكمون داخل دهاليز النفس العميقة أنتظاراً لمن يأتى لكى يمنحها قبله الحياه لكى تطفو على سطح الوجع وتهاجمك بشاسة " تعريف صغير للذكريات اللى ممكن تدمرنا تدمير ذاتى بمجرد التفكير والتعمق فيها . فدايما الحب بالنسبة للناس دى يعنى فراق و نهايات مأسؤية .. يعني ذوبان لشخصيتهم كيانهم و فرض شخصية الطرف الأخر عليهم !! يعني معوقات مستقبلة كفيلة تحطم اي مصدر بهجة او سعادة ليهم !!

و تبقي هي ديه المعضلة ,, أن الموهومين اللي شايفين ان الحب كله جمال و هدوء متخليين أن هما الصح .. و إن السوداوين الرافضين للحب شايفين أن برضة هما اللي صح !! ,, مع ان الحب هو فعلا ألم و سواد أتحول بطاقة العطف و الأحتواء اللي بين الطرفين لهدوء و سلام و علاقة حقيقية .. فوهم الراحلة و السعادة الأبدية مش ده المطلوب و لا الرفض و التنكيل بمشاعر الحب برضة هو المطلوب !!!

في النهاية فيه جملة مشهورة بتقول : Everybody isn't going to love you. Most people don't even love themselves بمعني ( مش كل الناس حيحبوك عشان ببساطة أغلب الناس مش بتعرف تحب نفسها ! ) و الجملة دي موجهه لتعساء الحظ اللي مشاعرهم بتتكعلب في الناس اللي مش بتعرف تمارس الحب و ترفضه من قبل ما تتعرف عليه !! , في ناس بتتفاعل بشكل سلبي و عنيف ضد مظاهر الحب اللي بنحاول نقدمها لهم ,, و يعاملونا بكل صلابة و جفاء ! لكن ساعتها مش الحل أننا نيأس او نظلم مشاعرنا الحقيقة بالزيف او الضعف .. أنما ببساطة نشفق علي ناس كانت مكسورة كفاية أنها حتي معرفتش تحب نفسها