مختارتهاش هي اللي اختارتني

بقلم : فاطمه عاطف**

ممكن اسمها ميدلش علي اللي انا هقوله، بس دا. اللي انا حسيته حرفياً👌
كلنا طبعاً عارفين ان بلدنا ذُكرت في القرآن مرات عديده، وجاءها بعض الانبياء لنشر الاسلام فيها..  وعلاوة علي ذلك انها عرفت بالجمال والزهاء، والحسن، كانت تشرف كل من نطقها علي لسانه، معروفه بحب الناس لبعضهم، وطيبة قلبهم ، واللي عرفت حضارتها بفضل الفراعنه بانها اقوي حضاره في التاريخ.. وطالما جبنا سيرة الفراعنه يبقي لازم نحكي افضالهم علينا، الفراعنه اللي صنعوا حاجات كتيير عشنا في ظلها فترات عديده، اللي لما تسال نفسك سؤال لازم يُذكر اسم الفراعنه..

حالياً .. لو قولت اسم البلد دي قدام اي شعب بيتجاهلك تمااماً ، وتسال اي شاب في سكانها يقولك الكلام اللي كل واحد في البلد دي عاوز يقوله.. يقولك انه عايش في فساد سواء نظام سواء تعليم سواء صحه ، سواء غلاء اسعار بطريقه غير طبيعيه !

الشباب اللي تساله دلوقتي بتحس بايه تجاه بلدك، يقولك لما بسمع تاريخها او حتي بشوفه في التليفزيون بحس قد ايه بلدنا كانت جميله، وقد ايه حضارتنا حضاره عريقه تشرف اي حد.. لكن دلوقتي لما بسمع عنها بحس اني مش قادر استني فيها لحظه واحده .. !

هيقولك ان دي البلد اللي كل ما حد يحكمها ينهب فيها، ولو عمل خير يبقي الافراد مش محتاجين الاصلاح دا.. الحاكم اللي ياكل ويشرب ويلبس هو واولاده علي حساب الشعب، الشعب هو اللي يستحمل كل حاجه حرفياً ..

اظن انكو عرفتوا انا بتكلم علي ايه، ايوه هي بلدي مصر ، بلدي اللي تشرف اي حد.. !
اللي دايماً رقم واحد في اي حاجه و بيسموا ولادها رجاله ✋ ..

الحقيقه سبت حاجات كتير متكلمتش فيها عنها، لان مفيش سطور تكفي الكلام عنها، وبرغم ما فيها من سوء احوال الي انها قادره نجتاز وتتقدم.. ودا اللي كل مصري مستنيه

شبابنا بكم نرتقي ♥ ، حفظكم الله.