" ادمان البنزين "

كتبت : سحر احمد **

 في الدراسات بتقول أن واحد من كل ثلاثة أشخاص على الأقل يحب رائحة البنزين، ودى نسبة كبيرة نسبيًا تخلينا نسأل عن السبب الحقيقي للظاهرة دى.... السبب العلمى لدا هوا إن رائحة البنزين تحتوي مفعول مؤثر زى رائحة العطر يعمل كمحفز للروابط العصبية مما يزيد السعادة في الانسان ويهدئ أعصابه.
 فى الناس بتحب رائحة البنزين باعتدال وفي حدود الطبيعي، لكن المشكلة بقى هى للى بيحب رائحة البنزين إلى درجة استنشاقه بصورة دايمة,هنا نتكلم عن درجة المرض والإدمان. الأطباء النفسيين بيسمو النوع من الإدمان بـ (إدمان الشم)، فرغم أن البنزين لا يعتبر من المخدرات أو المنشطات المسببة للإدمان بالوضع الطبيعي إلا أنه يحصل فيه الإدمان بسبب المركب الكيميائي (حلقة البنزين)، فعندما يصل المركب الكيميائي إلى الدماغ بيدى إحساس بالدوخة وقلّة التركيز بما يشبه الاحساس المخدرات. ولو المدمن وقف عن شم البنزين بيظهر علية اعراض الانسحاب اللى هى القلق والتوتر وسرعة الغضب, المشكلة بقى ان الاعراض دى مش جسدية ف داا اللى بيخليها صعبة الملاحظة.
الادمان دا بيجى لما مدة شم البنزين بتستمر من 15 الى 45 دقيقة,و هنا يبدأ التأثير السلبي للمادة على أعضاء الجسم المختلفة. أمّا بقى لو كان الشم لمدة قصيرة ولفترات متقطعة دا ملوش تأثير على الجسم ولا يسبب الإدمان.
 عشان كداا بقى خلى بالك , و متشمش بنزين كتير.