ايه يا مصر الي جرالك..
بقلم بدير هشام
إيه يامصر إللى جرالك
حالك دا ولا مش حالك
---------------------
شعبك دا ولا مش شعبك
بعلو الصوت والصرخه منه
---------------------
تعبت من أسوتك الكتيره عليا
والهم زاد على القلب همين
---------------------
من كتر البكى على ثوره شبابك
ضاعت وضاع حلمهم مع الثوره
---------------------
والصمت صار عنوانهم بكلامهم
والضحكى راحت من على وشوشهم
---------------------
ليه يامصر عملتى كدا معانا
حرمتينا من كل حاج فيكى كويسه
---------------------
بقينا زى قطيع الغنم فيكى
والذئاب منك وبتنهش غنماتك
---------------------
حتى الكلاب فرقوا غنماتك
أترن الكلاب غداره
---------------------
مستذئبه بطبيعتها الفطريه
فصار شعبك قطيع غنم
---------------------
بيزيدوا من عدد موتاهم بكل أدان
بمسجد من مساجدك عشرات الموتى
---------------------
بيتصلى عليهم ببيوت ربهم
والباقى من شعبك متشتت
---------------------
مش عارف رايحه بيهم
على فين والواد محمد
---------------------
شهيد الثوره باع دمه فدا بلده
عشان حريه إخواته وولاده من بعده
---------------------
والعيشه تتحسن من أجل أجيالك
أترن العيشه زادت هم على همومهم
---------------------
والسلعه أغلى من ولادك
إيه يا مصر إللى جرالك
---------------------
حالك دا ولا مش حالك
الثوره ضاعت مع دم ولادك
---------------------
والحاج محمود مش لاقى
حقنه السكر وبيتألم وساكت
---------------------
والطفل الرضيع بيعافر
أترنه مش لاقى بلده تلمه
---------------------
والأرض بتتباع والشعب مش دارى
وكأن دم أكتوبر كان شويه ملح بالميه
---------------------
بشويه ملليم إتباعت
والقابض مش من ولادك
---------------------
أترنه إتنسى أخواته بأكتوبر
إزاى ضحوا من أجل معاشه
---------------------
وحتى الملح والميه راحوا
مش فاضل فيكى غير شعبك
---------------------
والفلاح مش عارف يزرع أرضه
لشويه قمح يتخبزوا
---------------------
أترن الميه راحت مع شهدائك
والأرض إتباعت بعد مماتهم
---------------------
يرضى مين يا مصر ده
لا يرضينى ولا يرضيكى
---------------------
شعب متشتت ومتفرق وإبن آدم
بالمساجد على الصوابع بتعدوا
---------------------
حتى الصوابع أكتر منه
بكل أدان متلقيش خمسه
---------------------
والجمعه متعرفش تصلى
من كتره الناس بالمسجد
---------------------
والكلاب بتزيد يوم بيوم
والشعب ما بينهم متشتت
---------------------
ومصدق كلامهم ومش دارى
ولو متأكد من كدبهم بأقوالهم وأفعالهم
---------------------
ضاع دمك يامحمد
وإخواتك وولادك إتهانوا بعد مماتك
---------------------
والحاج محمود مات بعدك
لإن الحقنه مستورده مش ليه
---------------------
والشعب مطنش ومش عارف
إنه متفرق بسبب كلاب بتنح
---------------------
ولو إتجمع هيرجع شعار الثوره
ودم محمد هيرجع زى ما رجع شعار الثوره
---------------------
وتبقى بلدنا أحسن من غيرها
بوجودنا متجمعين ديما
---------------------
ونبنيها تانى من جديد
زى ما بناها أجدادنا
---------------------
والخير هيرجع تانى من جديد
زى ماكان عاوز ها محمد
---------------------
والأمن يرجع من تانى
ميكونش شويه ملح بالميه
---------------------
ونعمرك يا مصر بأدينا
ودمنا فدا لترابك
---------------------
أترن الوطن غالى
أغلى من الدم السايل
---------------------
والأرواح تحت رجليكى
وهيا منك وتخلقنا ليكى
---------------------
هترجعى أمتى لينا
ونعرف نعيش من جديد فيكى
التعليقات على الموضوع